Mae piler Darparu Gwybodaeth yn paratoi i gynnal darganfyddiad ar swyddogaethau rhannu gwybodaeth ar draws y sector gofal cymdeithasol a thu hwnt. Bwriedir i’r darganfyddiad ddeall y systemau a’r prosesau sydd ar waith i rannu a chadw gwybodaeth er mwyn dod i benderfyniad ar y cyd am sut y gall DiSC hwyluso meithrin gwybodaeth yn y sector.
Bydd y darganfyddiad yn cynnwys nodi storfeydd gwybodaeth, casglu astudiaethau achos, enghreifftiau o arfer da a chymunedau ymarfer presennol sydd eisoes yn gweithredu yn y sector. Bydd yn ceisio casglu’r rhain yn olwg eang o’r swyddogaethau ar gyfer rhannu gwybodaeth yn y sector a helpu i arwain sut mae hyn yn gweithredu dan DiSC.
Caiff gwaith ei wneud i werthuso’r systemau hyn ac i fapio prosesau i ddeall eu heffeithiolrwydd a chasglu crynodeb o anghenion defnyddwyr gan fudd-ddeiliaid allweddol yn y sector. Caiff gwerthusiad opsiynau ar gyfer dyfodol systemau rhannu gwybodaeth DiSC ei greu ar gyfer y dyfodol. Bydd hyn yn rhoi ystyriaeth i ganfyddiadau llawn y darganfyddiad er mwyn llywio sut y dylid gweithredu swyddogaeth rhannu gwybodaeth dan arweiniad sector.