Croeso i
Fframwaith DiSC Cymru
Mae Fframwaith Gofal Cymdeithasol Digidol (DiSC) Cymru yn bartneriaeth genedlaethol wedi’i chynllunio i helpu sefydliadau gofal cymdeithasol ledled Cymru i fanteisio ar bŵer digidol, data a thechnoleg i wella canlyniadau i bobl sy’n defnyddio gwasanaethau gofal a chymorth, eu teuluoedd, gofalwyr di-dâl, a’r gweithlu.
Wedi’i ddatblygu ar y cyd gan bartneriaid ar draws y sector, mae DiSC Cymru yn darparu amgylchedd strwythuredig a chefnogol ar gyfer arloesi, gwella a thrawsnewid. Mae’n galluogi sefydliadau i adeiladu hyder digidol, rhannu gwybodaeth, a darparu gwasanaethau sy’n fwy effeithiol, wedi’u canolbwyntio ar yr unigolyn, ac yn fwy gwydn.
Digidol gwell.
Gofal Cymdeithasol gwell.
Bywydau gwell.
Beth yw DiSC Cymru?
Mae DiSC Cymru wedi’i seilio ar bedwar piler strategol:
Datblygiad arloesol
Gyrru diwygio sector cenedlaethol ac integreiddio iechyd, dylanwadu ar bolisi a symleiddio cyllid.
Dechrau cadarn
Nodi’r heriau allweddol a gosod y blociau adeiladu digidol hanfodol i gefnogi data, sgiliau a phrosesau hanfodol.
Dyfeisgarwch disglair
Cefnogi ymchwil ac arloesi, a threialu dulliau newydd y gellir eu graddio a’u hymgorffori.
Darparu gwybodaeth
Mae’r pileri hyn yn gydgysylltiedig ac yn ddibynnol ar ei gilydd, gan weithio gyda’i gilydd i gyflawni ein gweledigaeth ar y cyd o ddigidol gwell, gofal cymdeithasol gwell, a bywydau gwell.
Gweithio gyda’n gilydd am ddigidol gwell, gofal gwell, bywydau gwell.
Datblygiad arloesol
Prosiectau iechyd cenedlaethol presennol
Prosiectau gofal cymdeithasol cenedlaethol presennol
Prosiectau gofal cymdeithasol newydd
Polisi, lobïo ac ariannu (cyllid)
Dyfeisgarwch disglair
Ymchwil a phrofi syniadau
Manteisio ar ddeallusrwydd artiffisial
Prosiectau arloesol
Dechrau cadarn
Adnabod eich cwsmer
Adnabod eich gwasanaeth
Adnabod eich pobl a’u sgiliau
Adnabod eich data
Darparu gwybodaeth
Adnabod, gwerthuso
a rhannu arferion, peilotau a phrosiectau presennol
Sut mae da yn edrych
Uwchraddio llwyddiant
Themâu trawsbynciol: seiber, seilwaith, cynhwysiant, caffael, arweinyddiaeth
Pam mae DiSC Cymru yn Bwysig
Nid yw trawsnewid digidol mewn gofal cymdeithasol yn ymwneud â thechnoleg yn unig – mae hefyd yn ymwneud â phobl, diwylliant, prosesau a data. Mae DiSC Cymru yn helpu sefydliadau i ddod â’r elfennau hyn at ei gilydd, gwneud synnwyr o’r sŵn, ac adnabod cyfleoedd i ddefnyddio digidol i gyflawni newid ystyrlon.
P’un a ydych ar ddechrau eich taith ddigidol neu’n graddio gwaith presennol, mae DiSC Cymru yn cynnig mudiad ar y cyd i’n helpu ni i gyd i gyflawni digidol gwell, gofal cymdeithasol gwell, a bywydau gwell.
Rydym angen eich help
Rydym yn gyffrous i fynd â DiSC Cymru yn ei flaen gyda’n partneriaid, ond er mwyn gwneud gwahaniaeth go iawn, mae arnom angen mwy o fewnbwn gan y rhai sydd ar y rheng flaen o ran darparu gofal cymdeithasol.