Darparu
gwybodaeth

Sefydlu dulliau ffurfiol o rannu gwersi a ddysgwyd, arferion gorau ac astudiaethau achos i osgoi dyblygu a chyflymu cynnydd.

Darparu gwybodaeth

Adnabod, gwerthuso
a rhannu arferion, peilotau a phrosiectau presennol

Sut mae da yn edrych

Uwchraddio llwyddiant

Annog mabwysiadu a hydweithio

Mae piler Darparu Gwybodaeth yn canolbwyntio ar ddatblygu mecanweithiau ffurfiol ar gyfer nodi, rhannu, graddio a dilysu prosiectau, arferion a phrosesau gofal cymdeithasol digidol yng Nghymru a thu hwnt fel y gallwn gydnabod a rhannu arfer da; sefydlu ‘sut mae da yn edrych’; a nodi cyfleoedd a allai fod â photensial i’w graddio ar sail ranbarthol neu genedlaethol.

Cyflawnir hyn drwy amrywiaeth o ddulliau gan gynnwys chwilio am enghreifftiau o brosiectau da ac arfer da; darparu cefnogaeth i ddatblygu astudiaethau achos ymarferol sy’n tynnu sylw at yr elfennau sydd eu hangen ar gyfer llwyddiant a chynnwys sy’n arddangos ‘celfyddyd y posibl’; a diffinio rhagoriaeth mewn arfer digidol.

Y nod yw creu seilwaith ffurfiol lle mae dysgu gan eraill yn cael ei gydlynu a’i adnoddau’n effeithiol; a lle mae prosiectau sydd â photensial i’w cyflwyno’n rhanbarthol neu’n genedlaethol yn cael eu nodi a’u cefnogi i’w graddio ar gyflymder.

Byddwn ni’n gwybod ein bod wedi llwyddo pan:

Caiff DiSC Cymru ei gydnabod a’i ddefnyddio’n eang ar draws y sector fel canolfan ganolog ar gyfer rhannu a dysgu.
Caiff mecanweithiau ffurfiol i nodi, gwerthuso a rhannu prosiectau sydd eisoes yn digwydd yng Nghymru a thu hwnt eu sefydlu ac maent yn gweithredu’n effeithiol.
Caiff prosiectau llwyddiannus eu nodi a’u graddio’n llwyddiannus ar raddfa ranbarthol neu genedlaethol drwy’r piler Datblygiad Arloesol.
Caiff dyblygu ei leihau a ni chaiff prosiectau nad ydynt wedi bod yn llwyddiannus eu hailadrodd sawl gwaith.
Bydd sefydliadau’n gwybod sut olwg sydd ar dda a sut i gyrraedd yno.

Amcanion

Ehangu popeth ↓

Nodi, gwerthuso a rhannu arferion, cynlluniau peilot a phrosiectau presennol

Mae’r elfen hon yn ymwneud â sefydlu mecanweithiau ffurfiol ar gyfer nodi, gwerthuso a rhannu prosiectau ac arferion digidol mewn gofal cymdeithasol presennol yn y sector yng Nghymru a thu hwnt. Drwy nodi a gwerthuso mentrau presennol, gall y fframwaith hyrwyddo’r rhain fel modelau i eraill ddysgu ohonynt ac addasu. Mae’r pwyslais ar rannu ymarferol, yn seiliedig ar dystiolaeth sy’n cefnogi atgynhyrchu a graddio.

Amcan 1 – Creu canolfan canolog

Sefydlu mecanweithiau ffurfiol i DiSC Cymru greu canolfan ganolog ar gyfer rhannu manylion prosiectau digidol fel bod pob sefydliad yn hysbysu DiSC yn awtomatig am unrhyw brosiectau sy’n cael eu cyflawni neu eu hystyried.
Ymchwilio a chysylltu â mentrau digidol eraill mewn gofal cymdeithasol y tu hwnt i Gymru, a bwydo gwybodaeth berthnasol i DiSC Cymru trwy’r mecanweithiau a sefydlwyd uchod. Manteisio ar rwydweithiau presennol ac ymgysylltiad rhanddeiliaid i gefnogi.
Gweithio gyda phartneriaid i nodi’r mecanwaith mwyaf effeithiol ar gyfer storio, rhannu a diweddaru gwybodaeth sy’n ymwneud â phrosiectau ac arferion. Mae hyn yn cynnwys ystyried a oes mecanweithiau presennol y gellir cyflawni hyn drwyddynt, fel porwr prosiectau Gofal Cymdeithasol Cymru.
Creu mecanweithiau effeithiol i gefnogi datblygu, cyhoeddi a rhannu astudiaethau achos llwyddiannus, gan gynnwys trwy ddulliau digidol a dynol.

Amcan 2 – Gwerthusiad prosiect a phroses

Sefydlu mecanweithiau i werthuso arferion presennol er mwyn deall eu heffeithiolrwydd a’u gallu i dyfu yn unol âr anghenion a nodi arfer da. Gall hyn gynnwys, er enghraifft, panel o arbenigwyr neu arbenigedd allanol ffurfiol.
Ymchwilio i’r posibilrwydd o gynnig cefnogaeth ffurfiol i brosiectau ar gyfer gwerthuso.

Amcan 3 – Cymeradwyaeth Dechnegol

Gweithio gyda phartneriaid yn y sector preifat i ymchwilio i’r potensial i sefydlu corff cymeradwyo technegol neu broses ffurfiol i gefnogi busnesau yng Nghymru i ddarparu atebion technoleg i awdurdodau lleol.

Amcan 4 – Gwobrau DiSC

Ymchwiliwch i’r potensial i sefydlu ‘Gwobrau DiSC’ i amlygu a dathlu prosiectau digidol llwyddiannus mewn gofal cymdeithasol yng Nghymru.

Sut mae da yn edrych

Mae’r elfen hon yn ymwneud â diffinio a hyrwyddo safonau rhagoriaeth mewn gofal cymdeithasol digidol. Mae hyn yn cynnwys mynegi meincnodau clir a meini prawf llwyddiant y gall sefydliadau anelu atynt. Bydd hefyd yn helpu i greu dealltwriaeth gyffredin o ansawdd ac effaith ar draws y sector.

Amcan 1 – Sut mae da yn edrych

Cynnal darganfyddiad i sefydlu beth sydd eisoes yn bodoli yn y maes hwn, gan gynnwys canllawiau, fframweithiau a meincnodau.
Gan ddefnyddio canlyniadau’r uchod, cytuno ar broses i ddiffinio “sut mae da yn edrych” gyda safonau a meincnodau clir ar gyfer rhagoriaeth ddigidol mewn gofal cymdeithasol i hyrwyddo dealltwriaeth gyffredin o ansawdd ac effaith ar draws y sector.
Defnyddio’r ganolfan ganolog a mecanweithiau astudiaethau achos i ddod â phrosiectau i’r amlwg sy’n dangos potensial ar gyfer “sut mae da yn edrych” a defnyddio’r broses sefydledig i brofi eu cymhwysedd.

Uwchraddio llwyddiant

Mae’r elfen hon yn ymwneud â symud y tu hwnt i straeon llwyddiant ynysig. Mae’n cefnogi mabwysiadu dulliau profedig yn ehangach, gan sicrhau nad yw arloesi effeithiol wedi’u cyfyngu i sefydliadau unigol ond yn cael eu graddio ledled Cymru. Mae hyn yn cynnwys darparu’r offer, y gefnogaeth a’r seilwaith sydd eu hangen i efelychu llwyddiant ar gyflymder ac ar raddfa.

Amcan 1 – Nodi cyfleoedd

Sefydlu proses ffurfiol i nodi’n systematig brosiectau, arferion a chynlluniau peilot gofal cymdeithasol digidol sydd â photensial profedig ar gyfer effaith a’r gallu i dyfu yn unol â’r anghenion, gan dynnu ar dystiolaeth a mewnwelediadau o bob piler.
Manteisio ar ddata sylfaenol, mapio prosesau, ac asesiadau aeddfedrwydd digidol i nodi meysydd lle byddai graddio yn mynd i’r afael â bylchau neu aneffeithlonrwydd mewn gwasanaethau craidd.

Amcan 2 – Cefnogi graddio

Sefydlu proses i ddarparu offer, adnoddau a seilwaith i alluogi atgynhyrchu ar raddfa ar gyfer cyfleoedd a nodwyd o dan Amcan 1. Gallai hyn gynnwys cefnogaeth i ddatblygu cynllun busnes, nodi cyllid, sicrhau cefnogaeth genedlaethol neu ranbarthol ar lefel wleidyddol, cefnogaeth caffael, annog cydweithio a recriwtio partneriaid cyflawni.
Ar ôl eu datblygu, trosglwyddo prosiectau i Ddatblygiad Arloesol i wireddu darpariaeth ranbarthol / genedlaethol.